Psa 54 | JAE | STEP | O Anôtô, ôkêŋ nêm ŋaê ênam aê sa ma nêm ŋaclai êwaka ŋoc biŋgêdêŋ sa.

Psalms 54

PESALEM 54

Anôtô ênam aêac sa êndêŋ nêŋ ŋacjo ŋamec

1 O Anôtô, ôkêŋ nêm ŋaê ênam aê sa
ma nêm ŋaclai êwaka ŋoc biŋgêdêŋ sa.
2 O Anôtô, ôkêŋ taŋam ŋoc mec.
Wê taŋam êndêŋ aocsuŋ ŋabiŋ,
3 gebe lau jaba tetoc tauŋ sa gêdêŋ aê ma ŋaclaikoc têtu kêka-kêka sebe senseŋ katuc su.
Êsêac sêsa Anôtô laŋô sa atom.

4 Aê galicgac, Anôtô kêtu ŋoc gêjam-aê-sawaga.
Apômtau kêpuc katuc tôŋ ŋajaŋa.
5 Sec taŋ aêŋoc ŋacjo sêgôm naŋ, naêpi êsêac tauŋ.
Onseŋ êsêac su gebe aôm ŋac ŋaŋêŋ.

6 Go aê jansuŋ ŋoc da êndêŋ aôm totêtac ŋajamgeŋ.
O Apômtau, aê gabe aoc êôc nêm ŋaê gebe gabêjam ŋanô,
7 gebe aôm kôjaŋgo aê su aŋga gêŋwapac samob
ma matocanô galic ŋoc ŋacjo e têtac ŋajam gebe sênaŋagac.
^{▼▼Dawidnê pesalem teŋ, gêga gêdêŋ taŋ lau Sipit dêdêŋ} Saul sêja ma sêsôm gebe Dawid kêsiŋ tau gêmoa êsêacnêŋ gamêŋ.